Патрабаванні да падачы зваротаў

Зварот выкладаецца на беларускай ці рускай мове.

Пісьмовы зварот грамадзяніна ў абавязковым парадку павінен змяшчаць:

• найменне і (або) адрас арганізацыі або пасаду асобы, якім накіроўваецца зварот; (напр., УП «Белтэхагляд», дырэктару Ленчэўскаму Ю.С.)

• прозвішча, уласнае імя, імя па бацьку (калі такое ёсць) або ініцыялы грамадзяніна, адрас яго месца жыхарства (месца знаходжання);

• выклад сутнасці звароту;

• асабісты подпіс грамадзяніна (грамадзян) (акрамя электронных зваротаў);

• адрас электроннай пошты грамадзяніна (для электронных зваротаў).

Пісьмовы зварот юрыдычнай асобы ў абавязковым парадку павінен змяшчаць:

• найменне і (або) адрас арганізацыі або пасаду асобы, якім накіроўваецца зварот; (напр., УП «Белтэхагляд», дырэктару Ленчэўскаму Ю.С.)

• поўнае найменне юрыдычнай асобы і месца яе знаходжання;

• выклад сутнасці звароту;

• прозвішча, уласнае імя, імя па бацьку (калі такое ёсць) кіраўніка або асобы, упаўнаважанай ва ўстаноўленым парадку падпісваць звароты;

• асабісты подпіс кіраўніка або асобы, упаўнаважанай ва ўстаноўленым парадку падпісваць звароты (акрамя электронных зваротаў);

• адрас электроннай пошты юрыдычнай асобы (для электронных зваротаў).

Тэкст звароту павінен паддавацца чытанню. Рукапісныя звароты павінны быць напісаны дакладным, пераборлівым почыркам. Не дапускаецца ўжыванне ў зваротах нецэнзурных або абразлівых слоў, выразаў.

Да пісьмовых зваротаў, якія падаюцца прадстаўнікамі заяўнікаў, дадаюцца дакументы, якія пацвярджаюць іх паўнамоцтвы.

У зваротах павінна змяшчацца інфармацыя аб выніках іх папярэдняга разгляду з дадаткам (пры наяўнасці) дакументаў, якія пацвярджаюць гэту інфармацыю.

Заўвагі і (або) прапановы ўносяцца ў кнігу заўваг і прапаноў у адпаведнасці з формай кнігі заўваг і прапаноў, устаноўленай Саветам Міністраў Рэспублікі Беларусь.

Звяртаем Вашу ўвагу, што без разгляду па сутнасці могуць быць пакінуты звароты, якія (па якіх):

• выкладзены не на беларускай ці рускай мове;

• не змяшчаюць прозвішча, уласнага імя і імя па бацьку або ініцыялаў, адраса месца жыхарства (месца знаходжання) грамадзяніна або месца яго работы (вучобы);

• не змяшчаюць поўнага наймення юрыдычнай асобы і адрасы яе месца знаходжання, прозвішча, уласнага імя, імя па бацьку (калі такое ёсць) кіраўніка або асобы, упаўнаважанай ва ўстаноўленым парадку падпісваць звароты (для юрыдычных асоб);

• змяшчаюць тэкст, які не паддаецца чытанню;

• змяшчаюць нецэнзурныя або абразлівыя словы, або выразы;

• падлягае разгляду ў адпаведнасці з заканадаўствам аб канстытуцыйным судаводстве, грамадзянскім, грамадзянскім працэсуальным, гаспадарчым працэсуальным, крымінальна-працэсуальным заканадаўствам, заканадаўствам, якое вызначае парадак адміністрацыйнага судаводства, заканадаўствам аб адміністрацыйных працэдурах, або ў адпаведнасці з заканадаўчымі актамі ўстаноўлены іншы парадак прадстаўлення і разгляд такіх зваротаў устаноўлены ;

• змяшчаюць пытанні, вырашэнне якіх не адносіцца да кампетэнцыі УП "Белтэхагляд";

• прапушчаны без уважлівай прычыны тэрмін падачы скаргі;

• пададзены паўторны зварот, калі ён ужо быў разгледжаны па сутнасці і ў ім не змяшчаюцца новыя абставіны, якія маюць значэнне для разгляду звароту па сутнасці;

• з заяўнікам спынена перапіска па выкладзеных у звароце пытаннях.