УП «Белтэхагляд» інфармуе, што за чэрвень бягучага года выдадзена 130 580 дазволаў на допуск транспартнага сродку да ўдзелу ў дарожным руху, што на 1,3% менш за гэты паказчык за аналагічны перыяд 2023 года (132 357 дазволаў).
У дачыненні да фізічных асоб за разгляданы перыяд выдадзена 108727 дазволаў (83,3% ад агульнай колькасці).

Агульная колькасць дазволаў, выдадзеных за першае паўгоддзе 2024 года, склала 778 270 адз., што на 5,7% менш за аналагічны паказчык мінулага года (825 236 адз.).

У дачыненні да электрамабіляў у чэрвені бягучага года аформлена 586 дазволаў (усяго з пачатку года - 8664 дазволаў).

Як паказваюць вынікі праводзімых супрацоўнікамі ДАІ на тэрыторыі Гродзенскай вобласці спецыяльных прафілактычных мерапрыемстваў "Фільтр", самае распаўсюджанае парушэнне - адсутнасць дазволу на допуск транспартнага сродку да ўдзелу ў дарожным руху.

Трэба адзначыць, што ў 2023 годзе на тэрыторыі Рэспублікі Беларусь адбылося 3 131 уліковае дарожна-транспартнае здарэнне, 23 з іх – па віне вадзіцеляў, якія кіруюць транспартнымі сродкамі з тэхнічнай няспраўнасцю.

У 2023 годзе працэнт транспартных сродкаў, вадзіцелі якіх сталі ўдзельнікамі дарожна-транспартных здарэнняў (далей - ДТЗ), якія не мелі на момант учынення ДТЗ дзейнага дазволу на допуск транспартнага сродку да ўдзелу ў дарожным руху, склаў 45,8 %.

Нагадаем, што частка 4 артыкула 18.11 Кодэкса Рэспублікі Беларусь аб адміністрацыйных правапарушэннях (кіраванне транспартным сродкам, у дачыненні да якога не выдадзена дазвол на допуск да ўдзелу ў дарожным руху) цягне накладанне на фізічную асобу штрафу ў памеры да трох базавых велічынь.

Дзеянні, прадугледжаныя часткай 4 дадзенага артыкула, учыненыя паўторна на працягу аднаго года пасля накладання адміністрацыйнага спагнання за такія ж парушэнні, прыводзяць да накладання штрафу ў памеры ад дзвюх да пяці базавых велічынь.

Частка 5 артыкула 18.11 Кодэкса прадугледжвае накладанне штрафу на індывідуальнага прадпрымальніка або юрыдычную асобу ў памеры да дзесяці базавых велічынь.

Звяртаем увагу, што кантроль наяўнасці дазволу на допуск ажыццяўляецца ў тым ліку ў аўтаматычным рэжыме спецыяльнымі тэхнічнымі сродкамі, якія маюць функцыі фота- і кіназдымкі, відэазапісы.

Разам - да бяспекі!